Thursday, 03 November 2011 00:00

0 Comments

Kryeministri i Greqisë, George Papandreu, ka anuluar planet për mbajtjen e një referendumi lidhur me vendimin e fundit të liderëve evropian për borxhin grek, raportojnë mediat e huaja, duke iu referuar burimeve të afërta me Qeverinë greke.

Papandreu paralajmëroi mbajtjen e referendumit një javë pasi liderët e BE-së në samitin në Bruksel u pajtuan për shlyerjen e 50 për qind të borxhit grek.

Gazeta britanike “Guardian” shkruan se pas dramës së përgjithshme politike, duket se kancelarja gjermane Angela Merkel dhe presidenti francez Nikola Sarkozi kanë arritur të realizojnë synimin e tyre që paketa më e re e ndihmave të BE-së për Greqinë prej 130 miliardë euro të mbështeten nga partitë kryesore në Greqi.

Tuesday, 01 November 2011 00:00

0 Comments

Kundër vullnetit të SHBA-së UNESCO pranoi palestinezët si anëtarë me të drejta të plota. Ndërsa palestinezët brohorisnin, SHBA ndërprenë kontributet e tyre për UNESCO-n.

Ovacione në këmbë nuk ka shpesh në konferencën e përgjithshme të UNESCO-s në Paris. Të hënën (31.10.) të deleguarit u ngritën nga karriget, kur ministri i Jashtëm i palestinezëve Riad Maliki kërkoi përfshirjen e vendit të tij në Unesco. Dhe kur drejtuesja e takimit shpalli pastaj rezultatin e votimit, ngazëllimi nuk njihte kufij: „Zonja dhe zëtërinj konferenca e përgjithshme ka miratuar kërkesën e Palestinës për t’u pranuar në UNESCO.“

Saturday, 29 October 2011 00:00

0 Comments

Gjykata ndërkombëtare e Hagës ka konfirmuar lajmet e publikuara në media për kontakte mes saj dhe të birit të kolonelit Muammar Gaddafi, Saif al Islam.

“Kemi vendosur kontakte informale me Saif përmes disa ndërmjetësve”, ka deklaruar prokurori Luis Moreno Ocampo.

Tuesday, 25 October 2011 00:00

0 Comments

Trupi i ish-udhëheqësit libian Muammer Gadafi u varrosë sot në mëngjes në një vend të fshehtë. Sipas një zyrtari në këshillin ushtarak në Misratah, Muamar Gadafi, djali i tij Muatasim dhe një bashkëpunëtor i ngushtë u varrosën fshehurazi në një vend të panjohur.

Trupat e Gaddafit dhe djalit Muatasim ishin te ekspozuar në nje frigorifer te nje qendre tregtare.

Varrimi u ndoq nga disa anëtarë të familjes dhe zyrtarë, njofton Associated Press. Gadafi u vra në vendlindjen e tij ne Sirt të enjten e kaluar në rrethana shumë misterioze.