iPhone 5 me “nënshkrimin” e Steve Jobs

iPhone 5, projekti i fundit i madh të cilin Steve Jobs e mbikëqyri që nga planet e para e deri te dizajni final, në treg do të duhet të paraqitet në pranverë të vitit 2012. Steve Jobs, bashkëthemeluesi i kompanisë “Apple”, i vdekur kohë më parë, kështu e mbikëqyri krijimin e iPhone 5.

“Ky ishte projekti i fundit i madh në përpunimin e të cilit ka punuar drejtpërdrejtë Steve Jobs që nga fillimi i konceptit deri te dizajni final, kështu që ky me siguri që do të arrijë rekord të ri në shitje”, deklaroi analisti i kompanisë “Rodman&Renshaw”, Ashok Kumar.

iPhone 4S, thyen rekordet

Deri atëherë rekordet është duke i thyer iPhone 4S, ku për tri ditë janë shitur më shumë se katër milionë copë, njoftoi kompania “Apple”.

Kjo është dyfishë shitje më e shpejtë se sa ajo të cilin vitin e kaluar e pati modeli paraprak, atëherë për tri ditë, janë shitur 1.7 milionë iPhone 4. “Apple” dhe kompanitë partnere telefonike kanë filluar me shitjen e modeleve të reja të premten e kaluar në Shtetet e Bashkuara të Amerikës, Australi, Kanada, Francë, Gjermani, Japoni dhe në Britaninë e Madhe, ndërsa edhe në 22 vende do të arrijë deri në fund të këtij muaji.

iOS 5, thelbi i telefonit

Këtë vit shteteve që e shesin iPhone-n i janë bashkuar edhe dy, ndërsa është rritur edhe numri i kompanive telefonike të cilat e shesin.

iPhone 4S e ka procesorin e avancuar A5 me dy bërthama, kamerën prej tetë megapikselë me blic, mundësinë e incizimit të videos në formatin e plotë HD dhe grafikën e avancuar të përpunimit. Thelbi i telefonit të ri është sistemi i ri operativ, iOS 5.